മൌനം

വാക്കിന്നപ്പുറം എനിക്ക്                                                                കടപ്പാട്,  - നിവിൻ(പെയ്ന്റിങ്ങ്)

പറയേണ്ടി വരുമ്പോൾ

ഞാൻ കരുതി കൂമ്പാരമാക്കി വെച്ചത്

നിശബ്ദ നിശ്വാസമായി

രൂപാന്തരപ്പെട്ട എന്റെ

സ്മൃതി താളങ്ങൾ

ഇന്ന്,

ഈ മുറിയിൽ

ഇരുമ്പഴിയറുത്ത്

പേക്കോലമാടും വെളിച്ചത്തിലും

മൂത്രം മണക്കുന്ന കാറ്റിലും

എന്നോ കരിച്ചിത്രം വരച്ച ചുവരിലും

ഒട്ടിപ്പിടിച്ച വറ്റിലും

ആകെപ്പടർന്നൊരോർമ്മയായ്

ഉന്മാദമായി,ബോധിസത്ത്വനായ്‌,.                                                                                                                                                                              
ഒടുവിലെന്നിലേക്കമർന്ന്                                               

എന്നെപുൽകിയ

നിതാന്ത സ്വാസ്ഥ്യമീയിന്നെൻ മൌനം,..